جد جد جد ضاقت الدنيا فيها

مســــاء الخـــيــــر \ صــــبـــاح الخــيـــر ..


موضعي جدي .. و النقاش فيها طوييل و مهما تكلمنا فيه ماراح نحله .. تدرون ليش ؟؟


لان ناس واايد اللي ما يخافون الله ..


بقولكم قصة وحده عمرها 45 سنه و بعدها ماشافت الكعبه..


هاذي المره .. على نيتها .. سوت توكيل حق اخوها علشان يبلش مشاريعه الصغيره


بس اخوها طلع طماع .. و ما اكتفه بالخير اللي ياله .. قام و اخذ قروض و سلفيات من شركات كبيره و وقع على شيكات من غير رصيد


طبعا من التوكيل اللي سوته له .. و لمن صار وقت الدفع .. الاخو ماعنده يدفع .. و ماعنده رصيد بالبنك يسدد


على الاقل ربع القروض و السلفيات و الشيكات اللي وقعها ..


و والله .. والله .. والله .. انه هالمره هاذي ما تدري عن خرابيط اخوها و لا خذت منها فلس واحد ..


و الحين عليهم اثنينهم ديون اكثر من 50 الف .. و عليهم منع سفر .. طبعا قبل كل هاذا اهوا دخل السجن و طلع منه


و الحين موضف و ولده موضف و مرته موضفه .. و لا اهوا راضي يسدد الديون اللي عليه و اللي حطهم على اخته المسجينه ..


و اهيه ما قعدت راحه .. ادور اللي يساعده و يشيل عنها الحمل اللي حطه عليها اخووها ( خوا يمه ) بس واحد اللي ساعدها يزاه الله الف خير ..


و سدد عليها مبلغ يقل عن عشر المبلغ المطلوبه فيه


طبعا مو اهيه الوحيده اللي صارتلها هالسالفه ..الكثييييييييير من بينا صارتلهم هالسالفه ..


والله يعين الجميع انشالله ..


والحين المره هاذي امنيتها الوحيده ان ينشال عنها منع السفر و تشوف بيت الله قبل لا الله ياخذ امانتها بعد عمر طويل انشالله


تبي تحج .. تبي تعتمر .. تبي تروح حفله تخرج ولدها اللي يدرس بره و ماباجي شي و يتخرج باذن الله ..


و الرساله اللي بوصلها .. لي متى و احنا مع هالنصب و الاحتيال ؟؟

منو بياخذ حق هالمسجينه و حق المئات اللي مثلها ؟؟